BANDUNG-
Juan Carlos Balencoso matok kameunangan dina laga munggaran Indonesia Soccer Championship ( ISC) 2016 ngalawan Sriwijaya FC di Stadion Si Jalak Harupat, Saptu (30/04/2016) peuting. Ceuk manehna, tilu poin di awal turnamen penting pisan pikeun neuruskeun laga saterusna.
"Kuring nyaho aya sababaraha pamaen anu pernah jeung PERSIB ayeuna di Sriwijaya. Tapi kuring optimistis pamaen anu aya total mikeun anu hade pisan keur Persib pikeun nyabeut kameunangan." tandeus Juan Carlos Balencoso saperti anu dikutip situs resmi Persib, Saptu (30/04/2016).
Ditambahkeun pamaen kalayan paspor Spanyol, sanajan Sriwijaya FC tim alus anu mibanda ngaran di Indonesia. Tapi Maung Bandung oge boga kualitas anu teu eleh ciamix jeung mibanda ngaran hade salaku tim juara.
"Sriwijaya teh tim anu alus, kuring apal kitu waktu ngelehkeun maranehna bulan kamari. Tapi Persib oge hade jeung bisa ngameunangkeun sakabeh laga kaasup poe ieu." pungkas Balencoso.
Meunangna Persib ti Laskar Wong Kito tangtu dipihareup pisan. Salain jadi target utama, sabeutan tilu angka munggaran ieu ngajadi modal keur ngulang memori manis nalika jadi juara.
Hareupan eta saeutik kabuka keur dibuktikeun. Sabab, SFC anu mibanda rea bentang, mampuh dielehkeun tim asuhan Dejan Antonic 2-0 di Bandung dina ajang Piala Bhayangkara 2016 kamari. Dua gol waktu harita dicitak dua penyerang anyar Samsul Arief jeung Juan Bfalencoso.
( ob_plast)
No comments:
Post a Comment